आज पनि बढ्यो सुनको मूल्य ! हेर्नुहोस् प्रति तोला कति पुग्यो……

अर्थबजार जानकारी राष्ट्रिय

नयाँ साल २०७८ वैशाख लागेयता नेपाली बजारमा सुनको मूल्य निरन्तर बढेको छ । यसरी आज वैशाख ६ गते सोमबारको दिन सुन तोलामा ३०० रुपैयाँले वृद्धि भएको हो ।

आजको दिनमा छापावाला सुन प्रतितोला ९१ हजार रुपैयाँमा कारोबार भइरहेको नेपाल सुनचाँदी व्यवसायी महासंघको तथ्यांकले देखाएको छ भने तेजाबी सुन प्रतितोला ९० हजार ५०० रुपैयाँमा किनबेच हुँदैछ । अघिल्लो कारोबार दिन हिजो पनि सुनको मूल्य तोलामा २०० रुपैयाँले बढेर प्रतितोला ९० हजार ७०० रुपैयाँ तोकिएको थियो ।

चाँदीको भाउ भने लगातार दोश्रो दिन स्थिर रहेको छ । महासंघले जनाए अनुसार सोमबार पनि चाँदी प्रतितोला एक हजार ३०० रुपैयाँमा खरिद बिक्री हुँदैछ ।
यो पनि हेर्नुहोस्:कोरोना कहर: वैशाख मसान्तसम्म विद्यालय बन्द ! महालक्ष्मी नगरपालिकाका सबै विद्यालय आजदेखि यही वैशाख मसान्तसम्म बन्द गरिएका छन् । कोभिड–१९ को दोस्रो चरण बढ्दै जाँदा विशेष गरी बालबालिकामा सङ्क्रमण बढ्दो गतिमा देखिएकाले यही वैशाख मसान्तसम्म विद्यालय बन्द गरिएको हो ।

विद्यालय सञ्चालन नगरी अन्य वैकल्पिक माध्यमबाट शिक्षण गर्ने वा गरिने, कक्षा ८ र १० पूर्व निर्धारित परीक्षा स्वास्थ्य सुरक्षाका सबै मापदण्ड कडाइका साथ पालना गरी यही वैशाख १५ गतेभित्र सम्पन्न गर्नुपर्ने, हरेक विद्यालयले स्वास्थ्य सुरक्षा पालना गरे वा नगरेका विषयमा नियमित अनुगमन गरिने शिक्षा शाखा प्रमुख चिरञ्जीवी पौडेलले बताउनुभयो ।

उहाँले भन्नुभयो, “कोरोनाको सङ्क्रमण दर फैलँदै गएमा कक्षा ८ को अन्तिम परीक्षा तथा अन्य वार्षिक परीक्षा विद्यार्थीलाई दिइएको परियोजना कार्यको मूल्याङ्कन यसअघि लिएको परीक्षाको औसत अङ्क अथवा सम्भव भए अनलाइन माध्यमबाट मूल्याङ्कन गर्नेगरी उक्त कार्यको तयारीसमेत गरेको वा गर्न अनुरोध गरेका छाँै ।”

Leave a Reply

Your email address will not be published. Required fields are marked *